ما تبكيش عليّ يا بلدي ما تبكيش
مهما تطول غربتي راجع ما تظلمونيش
فارقت الدار والاحباب . . وكفاية يا بلدي كلام وعتاب
دا غصبعني وكل عذاب.. أنا راجع مهما يطول الغياب
ما تبكيش عليّ يا بلدي ما تبكيش
يا شوارعك قال و حشاني .. وفيها كل خلاني
حبايبي واهلي وجيراني .. و مهما أغيب ح أرجع تاني
ما تبكيش عليّ يا بلدي ما تبكيش
مش قادر انسي النخيل .. ولما فروعه علينا تميل
وبنوته جميلة بين البساتين .. ونسيم وهوا وشوق وحنين
ما تبكيش عليّ يا بلدي ما تبكيش
سهرت الليالي يوم واتنين.. واقول بكرة فجر سنين
واحضن تراب أرضك بحنين .. وأبوس الهوا والمياه.. بوسه واتنين
ما تبكيش عليّ يا بلدي ما تبكيش
ما نستكش أبدا يا بلادي .. وف الشدة ديما علي بالي
تسبقني دموعي وآلامي .. واقول بكره جاي بأحلامي
ما تبكيش عليّ يا بلدي ما تبكيش
