بحث هذه المدونة الإلكترونية

الأحد، 1 يونيو 2014

قلبتي الموازين




آه من عيونك السود ياويل ياويل
والشعر نازل علي كتافك بيقول مواويل
والشمس قاعدة بتتكلم من بين شفتين
أتاريها بسمة هزت وجدي وخلتني أميل
وحيرتي الشاعر بدلالك  وقلبتي الموازين


انا شايف الليل بسواده في نن العين
مين إلتحكل بالتاني ما تقولي يازين
ما ترد علينا وتكلمنا ماحنا عاشقين
لك حق ياروحي تدلع علي واحد واتنين


متسيب ياهوا ضفايره وبعدين وياك
ولا هوة ياهوا قايلك وفية سر معاك
اول ماتشفنا تلاعب شعره وتتعبنا معاك
روح قوله ياهوا بنحبه ومابدينا هواك

أفتكر الشمس يا حتطلع ف لحظة هناك
أتاريها بتضحك وتتسامر من ورا شباك
وقلوبنا وياها عنينا بتبص هناك
منتظرين نظره ولو لحظة يكون فيها رضاك

ما تحولشي تقول بحبك







ما تحولشي تقول بحبك

ما تحولشي تقول بحبك والكدب باين في عينيك
ما تحولش تكدب وأنت كل يوم عامل  انك قتيل
يا خسارة يا حبي لما حبيبي-- يخون ويعمل ذليل
عينيك فاضحه كدب وكلامك اكبر دليل
روح لغيري وريح ضميري
ما أنت أتعودت تكدب كتير
ما تحولشي تقول بحبك والكدب باين في عينيك

سهامك صابت قلبي و وقعت في غرامك وكلامك الجميل
ياما حذروني وقالوا في خيانتك داووين
أنا مصدقتش كلامهم وحبك عمي عيناي وقالوا مسكين
وبقت حكايتي لكل عاشق تدرس وتتغير بس العناوين
ما تحولشي تقول بحبك والكدب باين في عينيك

سيبني أعيش حياتي بطريقتي وأنت دور عالناس تانيين
ناس تكون قلوبها خضرة وتضحك عالواحد واتنين
لكن الزمان علمني حاجة أني ما امنيش للخاينين
ما تروح لغيري ودور علي ناس تخدعهم تانيين
ما تحولشي تقول بحبك والكدب باين في عينيك

كلامك سحر وسحرت بيه عشاق كتير
وعسل فغرام وسم أفاعي يشربه العاشقين
ودموع تماسيح جايه فعينيك توهم التايهين
مش ح آمن لاى حاجة يكفيني أل شوفته كتير
ما تحولشي تقول بحبك والكدب باين في عينيك