قالوا حبك ليا لحظة قلت تكفيني ثواني
أعيش معاك عمري فالحظة .. حتي لو كانت أماني
لما قالوا حبك حلم .. قلت خلوني فمنامي
قالوا حبك ليا لحظة قلت تكفيني ثواني
كل يوم بتجيني فكرة .. أخاف لحبك يبقي ذكره
ودموعي تنزل من دي الفكرة . . وارجع وأقول أيه بيجره
كلها هواجس خوفي من بكرة .. لتكون حكايتي مع حلمي فكرة
قالوا حبك ليا لحظة قلت تكفيني ثواني
يكفيني أشوفك فيومي ثانية.. أعيش عليها أيام وليالي تانية
ربيع وجودي تزهر وروده .. وأيام خريفي أهيه فانية
واحلي أيامي لحظاتي دية.. من يوم ما شفتك يا نور عينية
قالوا حبك ليا لحظة قلت تكفيني ثواني
أنا مش عايز قلبك كله .. يكفيني جزء صغير منه
اصحي وأنام علي حنانه .. ويسقيني لما اعطش منه
ولما اسمع دقاته .. عقلي بيسلم له كله
قالوا حبك ليا لحظة قلت تكفيني ثواني
الأخ الأستاذ سعيد الشاعر ، احييك على هذه الأشعار الممتعة التى دائما تغذينا بأجمل الكلمات النابعة من القلب ننتظر منك دائما المزيد.
ردحذفخالد سلام