بحبك كل يوم قصة

بحبك كل يوم قصة


بحبك وانت جوا قلبي لسه

بحبك قصة مكتوبه

بحبك والناس علي غرامنا تأسه

مش عرفين حبي ليك

حبك جوا القلب فيك

أنسا نفسي انسي حياتي

لما تجي عيني في عنيك

بحبك كل يوم قصة

بحبك وانسي روحي معاك

لما تيجي الونسه معاك

رد روحي تاني ليك

انت ناسي حبك ليك

انت ناسي ان روحي ملك أيديك

بحبك كل يوم قصة

في الصباح انت حكاية

وقصة محتاجة روايه

قولي من فين نبدتي اول حكاية

يوم ما قلت انا بحبك

ولا يوم انا دوبت في حبك

ولا يوم ما خدت قلبي وسبتني اتعذب بحبك



كله ف لحظه

ليه الحب ف لحظه يجينا

وليه الحب يروح منينا

كله ف لحظه

ثانية غرام .. وثانية عتاب

وقصة حب جديدة علينا



أية يا تري أتغير فينا

كلمة حب جديدة علينا

يا تري عقولنا.. ولا قلوبنا

ولا الدنيا بتلعب بينا

ليه الحب ف لحظه يجينا



قصة حب جديدة تجينا

وقصة قديمة تروح منينا

تمحي الماضي من ليالينا

والحاضر مستقبل لينا

ليه الحب ف لحظه يجينا



غرامنا كله حنان بينينا

وخصمنا ديما مش بدينا

كلمة تجمعنا.. وكلمة تفرقنا

كله ف لحظه يروح ويجينا

ليه الحب ف لحظه يجينا

نفسي

نفسى تحس بكل حناني

نفسى تقول إني بحبك

حب عاجز عن وصفه لساني

مش معقولة يكون أوهام

حبك محاصرني حتي فالأحلام

جايز حبك لي ضعيف

او مايكونش من أساسه صحيح

لكن حقيقة واحدة عرفها

إني بحبك مفهاش تزيف

نفسي تعيش نفس شعوري

نفسي تحس كمان بوجودي

انا مش ح أقول إني بحبك

يكفي بتدل عليه عيوني

اه لو تفتح قلبي وتعرف

إيه مخبي لك قال جواه

حب وحنان وحاجات كتيرة

تسع قلوب العالم كله

وتزيد وتروح كمان لفضاه

مشغول

مشغول وشغلني عليك

إيه إلي أتغير فيك

ياتري غرامك ولا هيامك

ولا .. حبيب مش حاسس بيك

احلفلك بأحلي مافيك

انك فضحاك عينيك

و فتنت علي السر إل فيك

إن حبيبك قال مش ليك

لا متخفش من أل حواليك

وتقول حجج مش لايقه عليك

خليك واضح خليك صريح

زي جمالك إل شدني ليك

داحنا حبينا قبلك بسنين

وشوفنا العجب من العاشقين

خدها نصيحة واضحة وصريحة

إلي هجرك ما تسأل فيه

قدس يا قلب العروبة

قدس يا قلب العروبة .. مشتاقين مشتاقين

يا مسري نبينا محمد .. فيك صلي بالنبيين

راجعين تاني قدس .. وشايلين ف قلوبنا صلاح الدين

عمرانه قلوبنا بغرامك .. وبأول قِبله متعلقين

وح نفك أسرك يا أقصي.. يا ثالث الحرمين

مش كلام علي الشفايف ..التاريخ قالها راجعين

قدس يا قلب العروبة .. مشتاقين مشتاقين

من المحيط للخليج .. سؤال لأحمد وسارة وياسمين

القدس لمين يا شباب .. ح قولوا جنة الخالدين

ننوي بها الشهادة .. ونرضي رب العالمين

قدس يا قلب العروبة .. مشتاقين مشتاقين

يا مهد النبوة والأنبياء .. فيك موسي بالتوراة

وعيسي ربه للإنجيل هداه .. ومحمد لنا قصة معاه

خاتم النبوة .. ربه بالقرآن اصطفاه

منك كان مسراه .. وصعد لربه لما دعاه

قدس يا قلب العروبة .. مشتاقين مشتاقين

بكره جاي وكله لينا .. ودموعك يا قدس دين علينا

والدين لازم نوفيه .. وديارنا ح ترجع كلها لينا

وح نمسح دموعك يا قدس .. ونداوي جرحك بدينا

قدس يا قلب العروبة .. مشتاقين مشتاقين

شايلينك يا قدس ف قلوبنا .. والاقصي بينده علينا

دحنا يا أقصي منسناش .. أنت قدر ومكتوب علينا

جاين وح نخدك يا أقصي .. والشوق مالي عينينا

قدس يا قلب العروبة .. مشتاقين مشتاقين

يا قدس أطفال الحجارة .. بقوا كلهم شباب جسارة

علي حقوقهم مصممين.. ضاعت في لحظة غدر وخيانة

ومبقاش يرهبهم يا قدس .. تيجي طيارة وراها غارة

قدس يا قلب العروبة .. مشتاقين مشتاقين

القدس عربية عربية .. وتقول ف التاريخ دور علية

اسألوا الموجودين علي أراضية ..ياسر وعباس و مشعل و هنية

و صلاح الدين وجيوشه العربية.. كانت البداية من اللحظة دية

قدس يا قلب العروبة .. مشتاقين مشتاقين

مصر

مصر

مصريا ساكنه فؤادي وف دمي مع الوريد

انا دايب حب فيكي وعمري ما كنت عنك بعيد

وكل ما أبعد غصبعني يشدني حضنك من جديد

مصر يا ساكنه فؤادي وف دمي مع الوريد

زرعتي فيا الامل إن بكره احسن كتير

بشباب بلادنا وسواعد رجالنا حنبني مستقبل كبير

دا الامل فيكي يا مصر وف الايام جاية بالخير

مصر يا ساكنه فؤادي وف دمي مع الوريد

انت نجم ف سمانا زين كل البلاد

واجمعنا حوليك لمه وقصتنا نحكيها للولاد

أزاي اخدتينا ف حضنك ودفتينا با لوداد

مصر يا ساكنه فؤادي وف دمي مع الوريد

مش لوحدي بحبك حب جنان

دا شباب بلادنا وناس غيرينا ..دايبة حنان

لو عدناهم واحد واحد مش حكفينا الزمان

مصر يا ساكنه فؤادي وف دمي مع الوريد

بعِد الثواني والدقايق فِبُعدك ساعات

ما استحملش بُعدك عني ويفضح بُعدي الاهات

وقلبي تزيد دقاته دقة دقة بالساعات

مصر يا ساكنه فؤادي وف دمي مع الوريد

يا قلبك الصغير -- يا حبك الكبير

يا قلبك الصغير يا حبك الكبير

حتي فعشقك طفل برئ صغير

فرحتك بحبك بسمة عاشق كبير

حضن الأمل واستني بكرة يجي بالخير

يا قلبك الصغير يا حبك الكبير

رغم صغر سنك علمتني حاجات كتير

وانا فجوف الليل أدعي ديما بالخير

وانسي الآسية حتي ولو كان جرحي كبير

يا قلبك الصغير يا حبك الكبير

برئ برئ برئ فكل شئ برئ

فكلمتك برئ فضحتك برئ

حتي لما تغضب زعلك يكون بري

يا قلبك الصغير يا حبك الكبير

شفت عطفك الجميل عالزهر في البساتين

تحضن فروعة وتقول للهوي خليك حنين

و سيب فروعة يا هوي لقلبي يموت أنين

يا قلبك الصغير يا حبك الكبير

قالوا الشعر فيك .. قلت ما يكفيك

قالوا كلام حب .. قلت قليل عليك

قلت تكفيني لحظة صدق موجودة فعينيك

يا قلبك الصغير يا حبك الكبير

ياااا فرحتي يا فرحتي

لما اتونس بيك يا فرحتي

اقعد بين ايديك .. واحكي واسمع إليك

تنسيني همومي .. و فعز ألمي احن إليك

يا قلبك الصغير يا حبك الكبير

كل شئ فيك بزويد حيرتي بيك

الحزن ما بيعرف طريق يدخل به إليك

والبسمة عالشفايف سر غرامي بيك

يا قلبك الصغير يا حبك الكبير

يااا .. لما بحتاج إليك قلبك بسبق إيديك

تقولي مالك .. انا هنا كُلي ليك

امسح دمع الآسية واسري عليك

يا قلبك الصغير يا حبك الكبير